hafa séð til þess að ég hef ákveðið að flytja mig um set.  Þetta er minn nýji staður:  Bullubumba.  Er búin að færa allar færslurnar héðan yfir á þá síðu. 

það er ekki nóg með að tikkerinn minn sé horfinn, heldur er komin auglýsing með rollum á fullu á staðinn þar sem hann var.  Ég er ekki hissa þó einhverjir séu að færa sig milli bloggheima. 

hafa verið frekar endaslepptar vegna veikinda á heimilinu.  Einhvern veginn vill það fara svo að það er erfitt að halda í við sig þegar ástandið er þannig. Nú sé ég fram á að þurfa að koma mér í gírinn aftur til að halda áfram.  Ég er ekki bjartsýn á að ég nái markmiði mínu fyrir ferðina út í mars, en ætla að stefna að því samt sem áður að komast eins nálægt því og kostur er. 

og farið 1,5 kg. eftir þessa viku.  Ég er verulega ánægð með þessa útkomu,  bjóst svo sem við að það yrði farið í kringum eitt kíló, en þetta var framar vonum. 

Ég er farin líka að fá viðbrögð um að ég hafi grenst frá vinnufélögum, og það er ekki til að minnka áhugann á að gera enn betur næst. 

í hreyfingu er náð.  Ég setti mér það takmark að fara minnst þrisvar í viku í ræktina og í gær var í þriðja skiptið í þessari viku sem ég fór.  Og ég tók vel á því og fann vel fyrir því í gærkvöldi að ég hefði lagt mikið á mig.  Ég stefni á að fara um helgina líka einu sinni til tvisvar.  Ég var að hugsa um það í gær að nú væri ég búin að vera heilan mánuð í ræktinni og er ekki búin að missa áhugann ennþá, frekar öfugt.  Þetta er í fyrst sinn sem ég hef virkilega ánægju af því að fara, finn vellíðanina streyma um mig og veit að það sem ég hef verið að leggja á mig á eftir að færa mig nær takmarki mínu. 

Ég setti mér ný markmið í gærkvöldi.  Ég er að fara í utanlandsferð um miðjan mars og þá langar mig alveg óskaplega mikið til að vera búin að ná af mér 10 kílóum í heildina svo að ég geti virkilega verðlaunað mig úti.  Fyrir ári keypti maðurinn minn nokkrar góðar gallabuxur handa mér úti í Ameríku, en þær urðu mjög fljótt ónothæfar sökum smæðar.  Ég ætla mér að komast í einni af þeim út í mars.  Ég skal !!!!   Það þýðir sem sagt að ég þarf að losa mig við fjögur kíló í febrúar og helst 3 kíló í mars.  Ég veit að það er frekar óraunhæft, en miðað við að mér tókst að farga þremur kílóum í janúar, þrátt fyrir kæruleysi um miðjan mánuðinn, þá ætti þetta ekki að vera neitt svakalegt mál. 

  

sem gekk frá frú Viktólínu í dag.  Það létu sem sagt 900 grömm sig hverfa svona rétt sí svona, og ég sem hélt að það yrðu aldrei meira en 4- 500 grömm í hæsta lagi.  Svona getur maður platað sjálfan sig. 

enda tók ég vel á í ræktinni í hádeginu.  Þegar ég fór í íþróttabuxurnar fór ég að velta fyrir mér hvort ég hefði óvart tekið vitlausar buxur því þær höfðu víkkað frá því síðast, en nei, þetta ERU mínar buxur.  Æfingarnar eru greinilega að skila sér.  Ég steig jafnframt á viktina, reyndar nærri fatalaus og 89,4 blöstu við mér.  Vonandi verður hin eina sanna viktólína eitthvað svipuð, þó svo að ég geri mér ekki miklar vonir um það, enda hef ég verið alveg afskaplega ódugleg í vatninu síðustu daga. 

Þessi upplifun með buxurnar veittu mér heldur betur spark í rassinn með að taka nú 100% ddv, og fara að sjá árangur líka á viktinni.  Núna bölva ég mér fyrir að hafa ekki tekið mælingar í janúarbyrjun til að sjá hversu margir centimetrar væru að fara.  Það er þó betra seint en aldrei að skrá inn mælingar svo kannski ég taki mig til í kvöld og mæli mig hátt og lágt. 

Markmið febrúarmánaðar er að ná 3 kílóum í burtu, fara þrisvar í viku að lágmarki í ræktina, drekka 2 lítra af vatni á dag, og eiga sem flesta 100% ddv. daga. 

eftir gærdaginn, en það ætti að koma ný tala í dag.  Ég býst ekki við neinum ósköpum, en samt ætti ég að hafa farið eitthvað smá niður.  Áfram hef ég ekki verið að fara alveg 100% eftir prógramminu, en haldið samt vel í við mig, og lagt áherslu á grænmetið og ávextina, þegar til kom hafði ég ekki tíma um helgina fyrir skipulag á vikunni.  Ég gaf mér þó tíma til að steikja og baka grænmeti fyrir vikuna svo að ég myndi ekki falla á því líka. 

Annars hefur undanfarin vika verið þrungin spennu og í gær skrifaði ég undir samning um nýja vinnu sem ég er virkilega spennt fyrir.  Hlakka til að takast á við ný verkefni á nýjum stað. 

Ég bæti inn nýrri tölu (vonandi) í dag. 

og velta fyrir mér framhaldinu.  Ég hef ekkert farið eftir ddv síðustu daga, en haldið vel í við mig samt sem áður.  Ég var ánægð í gærkvöldi þegar maðurinn minn settist við hliðina á mér með sitt prins póló og kók og gúffaði í sig á meðan ég sat með prjónana mína og lét það ekki pirra mig, né freista mín.  Mér finnst það viss sigur að hafa staðist þetta, þó að ég hafi eitthvað sprungið á limminu síðustu daga. 

Ég dreif mig í ræktina í hádeginu og tók vel á á hlaupabrettinu og leið alveg ótrúlega vel á eftir. 

Í kvöld stefni ég á að setjast niður og skrifa niður markmið, gera mataráætlun fyrir vikuna og velta fyrir mér betur hvert ég stefni.  Ég sé að markmiðin sem ég setti mér eru of víð, ég þarf líka að skrifa þau niður þar sem ég hef þau fyrir augunum alla daga, ekki bara í einhverju skjali í tölvunni þar sem ég opna bara endrum og eins.  

Ég ætla mér að grennast.

Ég ætla mér að styrkjast.

Ég ætla mér að nota stærð 38 - 40

og ég veit að ég get þetta ef að ég vil.  Það kostar bara skipulag, staðfestu og ákveðni og smá aukatíma, sem verður fljótur að borga sig til baka í aukinni orku.

Og hana nú !!!!!! 

Staðfestan sem var til staðar í byrjun árs hjá mér, er gjörsamlega horfin.  Ég veit ekki alveg hvað er að gerast með mig.  Í gær tapaði ég algjörlega áttum, fyrri part dagsins hélt ég reyndar prógramminu til streitu, en þegar leið á daginn fór allt í óefni.  Ég fór í bíóið, og var þá bara búin að borða einn banana yfir miðjan daginn og var farin að finna örlítið til svengdar í byrjun myndar, en myndin er frekar löng og í hléinu var ég að farast úr hungri.  Fór að afgreiðsluborðinu, og ætlaði nú bara að kaupa mér einn sítrónutopp, en áður en ég vissi af var ég líka búin að biðja um minnsta pokann af poppi, sem er alls ekkert lítill.  Ég arkaði með þetta upp í sal aftur, og áður en ég vissi af var popppokinn tómur.  Ég hef nú grun um að poppið hafa ekki endað á gólfinu ............     

Með bíómiðanum fylgir tilboð um 2 hamborgara frá Burger king, og ég nýtti það tilboð og tók með heim.  Við hjónin borðuðum sinnhvorn hamborgarann í kvöldmat, og ég gaf mér engan tíma í að tína til grænmeti, svo að það fór út líka.  Í gærkvöldi kom svo vinkona mín í heimsókn, og í stað þess að hafa ávexti handa okkur, tók ég fram osta og kex, og stóð mest í því sjálf.  Vinkona mín er ákaflega staðföst og heldur sig við efnið, og var ansi pen í nágrenni ostanna á meðan að ég gjörsamlega tapaði mér. 

Satt að segja er ég miður mín yfir þessum degi, það er voða gott að segja öðrum að þeir skuli ekki vera með móral því það dragi þá niður, og meiri hætta sé á að eyðileggja allt, en þegar til kemur, þá er ég sjálf í þessum sporum, og ræð ekkert við þessa móralstilfinningu.  Gleðin sem var til staðar fyrri part dagsins í gær vegna stækkandi fatnaðar, er gjörsamlega horfin.  Ég hugga mig þó við eitt, ég hef alveg staðist súkkulaðið sem er til í skápnum heima og bóndinn er að borða daginn út og inn.  Mig bara langar ekki í það – súkkulaðisvínið sjálft.  

Ég hef ákveðið að fara ekki í viktun í dag, enda mikið að gera hjá mér, (þó að það sé engin afsökun).  Nú þarf ég að taka í hnakkadrambið á sjálfri mér, og koma mér af stað aftur.

var bara nokkuð góður, a.m.k. náði ég nokkuð að fara eftir prógramminu, vantar reyndar einn ávöxt upp á, og c.a. 300 ml. af vatni.  Í hádeginu fór ég svo í ræktina og tók hraustlega á. 

Þó að ég hafi ekki verið alveg nógu dugleg að fara eftir prógramminu undanfarið þá finn ég að fötin hjá mér eru byrjuð að gefa aðeins eftir.  Ég fór í gær í buxur sem ég var að nota fyrri part síðustu viku, og viti menn, þær eru orðnar talsvert víðari.  Einnig er vetrarúlpa sem ég keypti í haust og var orðið verulega erfitt að renna upp, orðin talsvert auðveldari í meðförum og enginn vandi að renna upp.  Þetta hvetur mig áfram til að halda mig við efnið. 

Ég ætla ekki í viktun í dag, ætla að fara í bíó að sjá Minningar Geishu, en kíki væntanlega á viktina á morgun í staðinn. 

hún var of slæm matarlega séð til þess.  Og afleiðingarnar koma vísast í ljós á morgun.

Ég hef ekki verið nógu dugleg núna þessa vikuna að fara eftir prógramminu, ég hef ekki dottið í neina óhollustu, frekar að ég hafi borðað of lítið, og þá helst er ég að klikka á grænmetinu.  Ég ætla að vinna mér í haginn um helgina fyrir næstu viku, og elda slatta af grænmetisréttum.  Er svo að fara á þorrablót um helgina, og geri ráð fyrir að leyfa mér aðeins að smakka á þessu helsta þar. 

Ég fór í ræktina í gær í tækjakennslu og fékk gott prógram til að vinna eftir.  Jafnframt var gerð á mér "ástandsskoðun" þar sem ég var viktuð og fitumæld.  Þá kom annað áfallið á stuttum tíma.  Fituprósentan hjá mér er rúmlega 40 !!!!!!!  Úff, alveg hræðilegt.  Þjálfarinn sagði mér að til að komast niður í 28% fitu, þá þyrfti ég að léttast um 20 kíló.  Ég nefndi við hana að ég stefndi á 30 kíló niður, en hún sagði mér að miða frekar við 20, þar sem ef að ég ætla að æfa með, þá komi ég til með að safna vöðvum líka og þeir eru þyngri en fitan.  Þegar þessi 20 kíló væru farin, þá væri sniðugt að meta stöðuna á nýjan leik, ef að mér finndist ég þurfa að losa mig við fleiri. 

Ég er mjög ánægð með að vera komin með plan til að fara eftir, sérsniðið fyrir mig.  Ég fékk jafnframt mikið af góðum ráðum til að fara eftir.  Ég er mjög spennt að takast á við þetta því ég finn að mér líður bara svo miklu betur við að hreyfa mig svona. 

Ég býst við að viktin verði mjög miskunnarlaus á þriðjudaginn og geri mér engar vonir um neitt stórtap í þetta skiptið.  En það er líka mitt val eða mitt slugs, að svo fari. 

Ég væri alveg til í að fá linkinn á þína síðu líka ....... ef ég má

Ég hef haft sérstakt kerfi á flokkun tengla á síðunni, þau sem eru komin á leiðarenda, eða við það að komast þangað eru undir flokknum hetjur, þau sem eru að byrja núna á nýju ári eins og ég eru undir flokknum byrjendur og þau sem hafa verið í einhverja mánuði flokka ég undir ferðalangar.  Ég hef reynt að raða rétt undir flokka en ég stenst ekki mátið að setja þessa síðu http://www.blog.central.is/kisu/ undir hetjuflokkinn.